فعالية – لو كنتِ من السـورانغ ~

أنيونغ يوروبون كيف الحال ؟ 

اليوم جيتكم بفكرة غريبة 

إللي إهي :

لو كنتِ من السورانغ 

لو أنتِ حاليا وحده منا ، سواء كيم سارانغ أو سورا ، شنو ممكن كنتِ راح تسوين أو بتسوين ؟ 

شنو حلولج مثلا لقلة التعليقات ؟ شلون بتكون طريقة تنزيلج للبارتات ؟ 

راح تهددين البنات وإلا تتركينهم لحد ما يعلقون براحتهم ؟ 

شنو الأنظمة اللي بتطبقينها ؟ 

وشنو المسابقات اللي حابة تلعبينها مع البنات ؟ 

ـــــــــــــــــ

فعاليتنا اليوم إهي : 

إهي انتخابات لكم

  • – – – – – –

* كل وحده حابة تكون وحده من السورانغ لمدة اسبوع تكتب تحت شنو راح تسوي وشنو بتسوي لو كانت وحده من السورانغ .

* البنات ، اللي مو حابين يشتركون أو اللي ماعندهم وقت فـ يقدرون يصوتون من خلال ( اللايك ) للي يظنون إنها أفضل .

* البنت اللي تفوز بالتصويت ، راح تمسك المدونة لمدة اسبوع ، صلاحياتها تكون كالاتي :

1- تنزيل البارتات متى ما حبت .
2- تفعيل مسابقات .

شروط الاشتراك :

1- شرط إن لها تعليقات سابقة بالمدونة .
2- يكون لها حساب في الوردبريس عشان تقدر تتحكم بالمدونة .

– – – – – – –

مدة صلاحية البنت بالمدونة هي : اسبوع

اسبوع تمسك فيها المدونة ، احنا الادمنز بنكون موجودين بس ماراح نتكلم معاكم أو ننزل أي بارت ، مهمتنا احنا الادمنز هي : ارسال الباسورد بس ! حق اللي الجديدات اللي يطلبون الباسورد .

مدة التصويت بتكون يومين ونختار البنت اللي فازت بأكثر لايكات يوم الخميس !

طبعا جائزة البنت اللي تكون من السورانغ واضحه ؟ إنها تقدر تقرأ البارتات قبلكم ^^

فايتنق للجميع ~

Advertisements

38 تعليقات على “فعالية – لو كنتِ من السـورانغ ~

  1. الفكرة حلوة بس للاسف ماعندي وقت ولا عندي حساب ع الورد برس عشان كذا بشوف المشاركات الثانيات 😦

  2. الفكرة كتير كتير كتير حلوة
    و جاد اي وحدة راح يتم ختيارها اكيد راح يمون شرف الها
    جاد كنت بتمنا اقوم بي هيك شي بس انا ما بتواجاج اﻻ الصبح و ناجرا ما اقدر افتح المدونة في اي وقت بدي
    و الاهم ما بفهم وﻻ عندي حساب بwordpress
    بس اكيد راح اشارك في التصويت
    و بتمانا التوفيق ﻻ البنات
    و بنتضار الافكار المبدعة
    بس على فكرة انا لو عليا جاد جاد يلي ما بيعلق ما بخليه يقرء ولو بيشوف حلمت ودنو ﻻ انو مو معقول واحد يتعب و يكتب و تاني يستخصر ولة بس كلنتين على الاقل الواحد يقول كويس وﻻ مو كويس

  3. فكرة حلوه فعلاااا
    دايما تجيبين أفكار خارقه
    مادري كيف تخطر عبالك
    يعني مشالله عليك..
    المهم حبيت الفكرة.. مع انو فيهاا مسؤلية..
    للأسف ما رح اقدر أشارك لانو ما عندي لابتوب اصلن هههه 😭( احس اني رح ابكي )
    بس عندي ايباد و جوال.. اتوقع ما اقدر اتحكم بالمدونه بيهم…
    بنسبه للأفكار.. انا لو كنت من السورانغ رح اشجع البنات عشان يعلقون يعني مثلا اقولهم لو وصلت التعليقات كذا رح انزل البارت الي بعده بسرعه.. يعني احاول اشجعهم بقدر الإمكان.. اتشاور معهم.. اكلمهم … ما احب التهديد ابدااااا…
    بس اذا الوضع صار ميؤس منه.. طبعاً رح استخدم التهديد… ك حل اخيير طبعا..
    اشاور البنات قبل ما انزل قصه جديدة واعمل تصويت.. يعني اي نوع يفضلون يقرؤنه بهالقصه الجديدة أو أي كوبل.. كذا يعني..
    نظاام الفي اي بي فعلاااا مفيد… انزل تدوينات تروج له لأنه في بنات جداد اكيد ما يعرفونه..
    بنسبه للمسابقات والفعاليات..
    فعالية أخضع لي كانت جدا جميله واتمنى تعيدونها.. وانا شفت فعاليتكم زماان وكانت فعلا رائعه.. يعني مرة شفت تدوينه سورا منزله فيها هيدر لروايه وتبي تعرف ايش القصه الي يوحي له هالهيدر.. وفعلا أعجبتني هتدويته…
    يعني ذا الستايل من الفعاليات ينشط على ما اعتقد..
    وبس… لو اني مو نعسانه كان فكررت ازوود 😂
    بس ميته من النعس… ولازم انام.. بكرا علي مدرسه وييع 😵😵

    اه اه…
    يجننننننننننن جونسو هون 😍😍 يا لبيي عليه 😍😍

    يلا تصبحون على خير 😘

    • لايك للافكار👍
      عجبتني افكاررج وااايد
      خصوصا للتدوينه الي تروح لقسم الفي اي بي

  4. الفكره جججججميلهه مممرا 😍
    حبيت الاشياء الي صرتتتي تسوينها بالمدونه
    مثثل المسابقهه و هالفكره الحلوه 💜

    بس بقولك انا م عندي حساب ف مقدر
    بس ان شاء الله اصصوت للي يبي او ححاب 💜💜💜😘

  5. اهليين~
    بصراحه لو انا بمكانكم طبقت نظام الي لحد معين من الردود وبعدها ينزل البارت ، هذا الي راح يضبط عدد التعليقات لان مثل م ندري انه الاغلب مستهتر بالرد بس لو مثلا شافت البنت والله ان الرد م راح ينزل الا بعدد معين من الردود بترد غصبن عليها !
    افكار ثانيه عن قله التعليقات م عندي ، لان لو المدونه نايمه بقول نزلوا بسرعه عشان يصير فيه تفاعل بس الصج ينقال انتم تنزلون بسرعه خصوصا سارانغ ~
    عن مسابقات وافكار مخي فاضي 🌚
    وعن مسكه المدونه ف انا مستحيل بحاول امسكها انا انسانه ويني ووين هالمواضيع احس شي كبير علي خصوصا انه هالايام حوسه جامعه ،
    ف فايتنغ للي بتمسك المدونه 💖💖
    بقعد اقرا التعليقات وبعدها بصوت للبنت الي تعجبني 🙆🏽
    فايتنغ 💜

  6. انا ابي اصير من سورانغ 😂 عاد انا ينطبق علي المثل يامسنعه سنعي بيتج 😂👏🏻 بس هم انا احب هالمدونه وابي اجرب شعور اني اتحكم فيها واخليها تصير بنتي بالتبني 😂 يالله اللي وراي عطوني لايكات 😂

    • بتمنى تمسكها وحدة في مستوى نشاطكم واهتمامكم الرائع للمدونة

      • لايك لاايك لااايووووك 👍👍👍👍👍👍
        اتمنى تمسكيها انتي اوني

    • موني جب بالله الحين ماسنعتي مدونتك تسنعين مدونة سورانغ والله تدهور الاوضاع 😒🔥

    • حرام ترا الغش يعني جايين بس عشان قالت بتحط لكم بارت المفروض تصوتون عشان الفكرة لاتخلونها تضحك عليكم 😭😭💔

    • امبيييييييييه ياااه حطيت لك لااايك 😭😭😭😭😭😭💔 سارانغ لاتحسبين لايكي ترا والله بالغلط 😭😭😭😭😭😭💔

    • انا عجبتني فكره موني
      ولو اني مادري ايش فكرتها بالضبط
      بس انا معاها لانها تعرف انجلش وبتقولي قصه
      قصدي تترجم لنا قصص بمدونتها 🌚🌚

    • بنات بليز انا هنا مو بصفتي ادمن انا هنا بصفتي قارئه مثلك واكيد ابي البارتات وعندي عرض مره مغري حطو لي لايكات هنا وبدلعكم وانزل بارتات اللي مجهزينها السارانغ وهم بارتات من قصة سايبنق بيوتي بي خلوني افوز 😂❤️ يالله صوتو واكسب عصفورين بحجر واحد >> اغرائات 😂

  7. انها فكرة جديدة ومختلفة أن تمسك احدى الفتيات المدونة وتخوض هذه التجربة،
    بالرغم من أنني مشغولة هذه الأيام لكنني سأضع لايك للتي ستعجبني طريقتها.
    أنتن مبدعات بالتوفيق.
    أعجبني جونسو في الصورة الأولى التي فوق إنه خلاب.
    فايتينغ.

    • بالغلط اللايك بغيت احط تعليق وانضغط لابك 😓
      الموهم بغيت اقول لك ماشاء الله عليك لغه عربيه بس احس ماله داعي عادي خذي راحتك وعلقي بالعاميه ☺❤

  8. وااااوو اوني انتي افكاارج جهنميه
    بلفعل فكررره جميييله الي اقترحتيها
    ومع اللاسف انا كانت عندي قبل كم يوم ووردبريس
    كنت محضرتها عشان اكتب فيها باارت اخضع لي حتى
    تكون الكتابه بنظام الوورد فيه اجمل
    بس لغيت حسابي مع الاسف😔😭💔
    بلنسبه لقله التعليقااات انا ماحب الشده والتهديد
    لان كل انسان احيانا تصير عنده ضرووف تشغله
    حتى عن اقرب الناس له فما احب استخدم هلطرريقه
    بس اذا شفت التعليقاات قليله وااايد رااح ارسل بااس البارت
    فقط للي تعلق عليه حتى ما يتساوا الي يعلق والي لا
    وما انسى ان ارد على تعليقاات البنات الي عندهم اسئله
    او استفسار حتى احمسهم
    واي روايه جديده اشووف التعليقاات الي في المقدمه
    اذا كثيره مو اقل من ال 25 30 انزلها اذا اقل مانزلها
    لان نفسهم الي رااح يعلقوون على المقدمه رااح يتابعونها
    ويضطرون يعلقون على بارتاتها والا ينحرمون من باس البارت
    الثاني وكذاا<<كففف👋 اتكلمتي وايييد
    راايحه اعلق على روايه اليونجي بسررعه طياريه
    وفايتينغ للي بتمسك المدونه✌👏

  9. هلا واخيرا نزلت التدوينه كنت انطرها نطر 😌💜
    الموهم انا لو كنت من السورانغ بطبق نظام انه اعطي بعض البنات فرصه يعلقون لو شفت ماكو تعليقات زي الوضع الححين بنزل تدوينه اخبرهم انه ماراح ينزل بارت من اي قصه حقت العام وانزل قصص للقسم الفي اي بي اذا شفت انه في بنات بداو يعلقون وانه تقريبا التعليقات وصلت للمستوى اللي ابيه وقتها انزل لهم اما في حالة مانفع معهم هالحل وانه في حالة بعض البنات مايعلقون اغير باسورد القسم العام واعطي البنات اللي يعلقوا واللي اعرف انهم يعلقوا الباس ع الايميل واخلي هالنظام اسبوع اما اذا مرا مرا مانفع هالحل ماكو الا حل واحد كل قصه بغير باسوردها بدال مايكون بسورد موحد لكل البارتات ارجع لكل بارت باسورد وابدا ثلاث بارتات اخي باسوردها من كل قصه مثل لو عندي قصه عدوي 60 بارت انزل اول باسورد والباسورد ال2 و3 و4 اخفيهم وانزل عقبه الباسوردات يعني كل عشر بارتات اخفي ثلاث مدري اذا فهمتي والا لا 🌚💔

    اما في حكايه تنزيل بارت ابي انزل بارتات للقسم الفي اي بي اكثر من العام لانه هم اللي يستحقون اكثر مابي اظلم العام بس لانه العام يبغى لبعض الناس جرد وغير كذا بنزل لهم تنزيل بطيئ وبقول نفس الشي لو ماوصل البارت لل70 ماراح ينزل اي بارت من هالقصه ويلا اخليهم هم اللي خسرانين وانا اللي مرتاحه 😏👏

    اما في حكايه الفعاليات بالنسبه لي ودي اسوي لهم فعاليات وودي اسوي تصويتات وكذا بس المشكله ماعندي اي افكار بس بنزل لهم تدوينه يطلعون بافكار او صح انزل فكرة عن الرسم نبي ناس ترسم فان ارتات لليونجي تعبنا وحنا ندور وبسوي تصوبت لاكثر وحده تفوز بالتصويت وكمان بخليه تعليقات وماتنحسب اللي مالها مشاركه 😏👌

    اما بالنسبه لي موفيه كل الشروط عندي ورد بريس وعندي تعليقات سابقه بالمدونة 😎💜

    الموهم بنات صوتوا لي والله اخلي المدونة يمشي وضعها وتكون كويسه باذن واحد احد وبدلعكم ببارتات سورا اللي غبرت للحين مانزل منها شي وبس والله ان شاء الله تعجبكم افكاري وكذا 😌💖

    • عفيييه عليج ندووش
      افكااارج وايييد حلوووه
      شنو رايج تسوين حساب علووردبريس❤

      • ياربي وش حكايتي كل مابحط تعليق اعط اعجاب ترا بالغلط والله 😓😓
        الموهم ترا عندي حساب ورد بريس 😌💜

        • مانتبهت انج مسويه حساب كنت بحاله غباء مؤقت لووول😂 راح اتخلوني ارجع حسابي علوورد …لا بس جد ترااا سالفه اللايكات الغلط موطبيعيه يعني خخخخخ
          ياختي انتبهي وين تحطين اصبعج شنو هلفضاييح😆❤

            • خخخخخخ ادري بروحي
              اناا فضيحه بدون ما تقوليلي اصللااا خخخخخ😂😆🙊

  10. حبيبتي Emy انا الي علقت وكان اسمي eunjung بس نسيت الايميل وفتحت جديد وهيدا اسمي الجديد وكمان اعطيتك لايك ^ _____________ ^

          • الصراحه عجبتني فكرتك بحيث اَنْوٌ الباسورد واعتقد بعد اَنْوٌ رح يكون التفاعل زياده لما ينطبق هذا النظام بس هذا الي عندي فايتنغ يا قلبي وأتمنى انك تفوزين 😻

  11. احمممممممممم احمممممممممم

    أنا جيت متحمممممممممسه عشان كذا بنات بعدووووووووووا عشان لا ادرعم عليكم

    با النسبه لقله التعليقات مارح اجلس اطارد ورا البنات ردي وحطي
    بس كمان مارح اخليها تستمتع بكتابتي وهي حقيره ماترد ولا تدعم لذلك
    بخلي في بارت او بارتين او خمسه با الروايه مخفيه مارح تاخذها الا الي ترد مارح اقول وش الي راح اخفيه بيكون اخفاء عشوائي والبارت الاخير كمان اوردي مخفي ماتاخذه الا الي ترد

    كمان راح اخلي زي النظام حق الفي اي بي للمستمرات بدعم المدونه يعني هو يضم بنات اكثر من الفي اي بي ويضم البنات المستمرات با الرد
    عشان ماتتعبين وانتي تعطين الباسورد المخفي للبارتات

    تخلين ها القسم الباسوردات تنزل فيه تلقائي بدون اخفاء ويدخلون فيه البنات كل اسبوعين او ٣

    اذا مافهمتي النظام بكتبه هنا بشكل مختصر

    يكون في قسمين غير قسم الفي اي بي

    قسم العام وقسم المستمرين

    * ططبعا كلهن نفس الروايات راح تنزل الفرق بس با الباسورد تبع الروايه
    *وممكن يكون للمستمرين رواية خاصه لدعمهم

    القسم العام تنزل فيه الباسوردات تبع الروايه وينخفي فيه كم بارت اذا ماكنتي تردين باستمرار خلال الثلاث الاسابيع الاولى لك با المدونة مارح تاخذينه
    قسم المستمرين راح ينزل فيه باسورد الروايات اوردي بدون اخفاء

    الغرض من القسم الثاني انه ماتتعبين بارسال البارتات المخفيه للبنات الي مستمرين معاك اصلا وتزيدين نسبه الردود با النسبه للأصنام

    ياكثرررررررررررررر كلاااااااااااااااااااامي

    با النسبه للمسابقات في وحده تزيد حماس البنات كل اسبوع حيكون في افضل تعليق والفائزة
    تختار فكره لون شوت منها تزيد حماس البنات انها تعلق كويس عشان تقول فكرتها ومنها المدونه يكون فيها ون شوتات اكثر بأفكار متنوعه

    وطبعا الباسورد حيكون لقسم المستمرين بسسسسسسسسسس

    عندي افكار اكثر اتخبووووووووووووووني

    الموووووووووووهيم اتخبووووووووني يا بنات وانا بخرفن السارانغ ينزلون بارتين بارتين هههههههههههههههههههههههههههه

  12. والله مشتطييين لا هنا ولا بالقرروب انا تحمست
    قلت خن ادخل اقرا وصوووت
    طبعا اتوقع المنافسسه بين موني وندوووو هههههههه
    وندووو والله تكسسسر الخاطرررر تشحذ لايكات من كل الخلق وانا قررت اصوت لها على ان نظامها صااارم يمه منها 😅😅😅😅 حليل بنات العام منها بيشوفون الجحيم معاها لوووووووووووو لووو مسكت المدونه
    بس انا بصوت لها لانه احس موني عندها مدونه ومجربه وعارفه الووووضع بس تبي تجرب تمسك مدونه فخممممه مثل مدونتنا احم احم 😍😍😍حسيت بششعور حلو وانا اقولها ….المهم لا تحقد علي موني والله مو قصددي التقليل من مدونتك بسس الاغلب يعرفون زوم قيرلز ولها شهرتها وهي النمبر ون بعالم الكاسوبيا العرررب ❤❤❤
    صح علي ندووووو قولي صح والا ما اصوت لك ترا مابقي حطيت لايك 😅😅😅😅😅😅😅😅

    ككككل التوفيق لموني وندووووو والا اذا فيه مشاركات ثانين بيجيهم التصويت موووفقين يااارب
    بعددين زيييين خليتوها اسبوع بسسسس لا تخلونا تحت رحمتهم هذول الثنتين بيصفووون المدونه 😅😅😅😅

    يعطيك العافيه يا سسارانغ الحب 😜🌹😘

  13. الفكره مره حلوووه بس اكيد مارح اكون انا لنو ماعرف اكون مديرت قروب اجي امسك مدونه 😢😢

    بس اكيد رح دعم البنات 😓

    فااايتنغ

  14. بنننننننننننات مو من صدقكم صوتوا لي لو جبر خاطر مالي خاطر

    طيب عشان الافكار

    طيب عشان خرفنه الساارااااانغ

    ماتبون ؟

    يلا اقووول امشوووووووا صوتو >>> العين الحمرا خخخخخخخخخخخخخخخخخخخ

    امزح امزح

    صوتوااا لي التصووويت ببلاش

  15. احس مالي خلق شي هاليومين وخاصه مع الدوام وضيقت خلق وهواش مع الادفايزر لكن بالنسبه لي ومع احترامي للجميع السورانغ هم الافضل بي الأدارة ومافي حد راح ياخذ مكانهم ويكىون افضل منهم واذا راح اضطر اني اصوت بصوت لسارنغ كل واحد اعلم بمدونته وبمشاكلها وبكيفيه حلها وسوء في تعليق مافي تعليق اسمحو لي انا ماراح اصوت غير للسارنغ كماووو

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s