نظام جديد

https://i0.wp.com/38.media.tumblr.com/tumblr_ltw0clJLVs1qzf4bro1_500.gif

النظام الجديد بيكون على القصص الحالية المستمره .

بتكون باسوردات البارت الجديدة بهالقسم والباسورد البارتات القديمة موجوده بصفحه الماستر ليست .

أنا عارفه إن الحين فترة اختبارات والخ ، وأكيد ما أظلم الكل ، لكن الحق حق وأنا بكل صراحه ما قررت جذي الا لمن

دخلت أقرا قصة ساون الجديدة وانصدمت بالتعليقات ، اسامي جديدة اول مره تمر علي ، انا والكل مرت علينا حاليا سنتين واحنا حافظين بعض ، يعني بتعليقات مدونتنا الحين كلها 25,763 تعليق وعارفه كل وحده من اسمها . بس انصدمت لما شفت بنات ما اعرفهم .

احنا مدونات الدبسك شوية ف الاكيد اقدر اشوف نفس اسم البنت اهني واهناك .

ف قلت الأكيد من نظام سواغ دايريز الأخير اللي سوه ، طبعا انا وسورا من البداية معارضين بس كلما شفنا وضع المدونة يتردى صرنا نخاف يجي يوم ما نلقى ولا تعليق .

وقبل كم شهر انا وسورا سوينا تجربة وللاسف نجحت هالتجربة .

التجربة كانت ، إننا نسوي مدونة لقصص الاكسو ومن اول ما سويناها والتعليقات كانت بالهبل والحماس بالتويتر والاسك كان مو طبيعي ، خفنا إننا نسحب ع هالمدونة ف رحنا صكرناها .

القسم الجديد رح يتطبق هالايام ، اللي تتابع رواية حاليا تعلق على آخر بارت نازل لها ، اما القصص المكتملة اهي اوردي بقسم الماستر ليست وماراح يتطبق عليها شي .

التعليقات ماتكون ب ثانكيو ي جيجي فان ولا يسلمو ي غاده ولا حماس البارت يسلمو ي نانا  ، انتو على عيني وعلى راسي ومقدره إنكم تكتبون شي .

بس انتو فكروا بهالشي ، إن ممكن النظام الجديد يخليكم تتعودون ع تحسين تعليقاتكم وتدخلون قسم الـ vip ، انا مت وانا انطر احد جديد يدخل القسم .

ودي تقرون الروايات والون شوتات فيها لان مرات نتعب عليها ولما نحطها مانحصل الا بس تعليقات الفي اي بي اللي ما قصروا بعد.

أتمنى محد يزعل واللي تعترض او عندها افكار ثانية تقدر تقول اهني .. احنا موجودين دايما .

Advertisements

85 تعليقات على “نظام جديد

  1. معكم حق في كل شي
    عاد بالنسبه لي ذا انا اكثر نظام م احبه الا انه اكثر نظام يجيب تعليقات بالنسبه لي انا أنه سالفه اعلق على شي وارجع ارد وكلام كثير هاذي ماني حقتها تخليني اسحب على كل ابو الروايه م فيه الا اني اتعود وان شا ءالله ما يسير اي تقصير مننا لا إحنا ان شاء الله الى بنسحب وتكثر تعليقتنا ان شاء الله يعني جد ذا اقل شي نسويه عشانكم 3>
    ومدري وش اقول بعد الله يقوييكم ويسعدكمم ع كثر م اسعدتونا بكثير روايات ووونشوتات وكل شي 3>

    • لا النظام هذا مريح ، يعني ما ندز لج باسورد كل بارت بالايميل وتقعدين تنطرين ، الباسورد يكونون محطوط بالقسم اول ما ينزل البارت الجديد ، هذا إذا كنتي تعلقين دايما ، الباسورد مايتغير الا احتمال اسبوعيا .

  2. مافهمت !!
    بتنزلي صفحة خاصه للباسورد للقصة اللي جالسين تشتغلون عليها ، وتشوفون أسماء البنات
    اللي يعلقون ووتنرسل لهم الباس !!
    ||~
    بخصوص فان أكسو > تمششي وتتحلطم قال أكسو قال ~~~~~

    • لا قسم حق القصص المستمره يعني مثلا تويستد ونود ورد وغيرها من القصص الحالية آخر بارتاتهم بيكونون بهذاك القسم ، وباسورد واحد خاص فيهم .

      والله احسن ما في الاكسو ي ميمي انهم متفاعلين مو نايمين نفس الكاسوبيا

    • قسم حق القصص المستمره ، كل بارت جديد ينزل فيها ، مادري شنو اللي تبين تفهمينه لووول ؟ احس اني كررت وااجد بكلامي

    • يعني مثلا لو انا معلقه ع اخر بارت من روايه ارجع اعلق مره ثانيه ولا خلاص ؟
      وبخصوص ليال المتعه اخر ٣ بارتات ونوود وورد اخر بارت م قريتهم كذا يصير م اقدر اقراهم ؟ لان تقولين بس الي قرا اخر بارت ؟

      • لا اذا علقتي ما ترجعين تعلقين مره ثانية ،

        اخر البارتات موجوده تقدرين تعلقين عليها ، لان انتي اوردي في اي بي وبتتحاسبين بنهاية كل شهر

      • *بتتحاسبين نهايه كل شهر*
        هالجمله سببت لي رجفه لمده ثلاث ثواني 😂😂
        رعب رعب 😂💔

  3. مشكورات حياتي على الجهود
    انا صار كم شهر من دخلت على المدونه 👸
    وانا مأعرف كيف اعلق واو اكتب بالبدايه👶
    بس اللحين بحاول حتى لو كانت تعليقاتي
    بتاعت وحده لسه على قد الحال بس 👽👅
    بحاول لاني اتمنى تكون بالقسم الخاص بس ⛄
    ما اخترتونى 😢😢😢😢😢😢😢
    اوكي على العموم النظام الجديد يعني ؟؟؟♡¿
    كل باس ينرسل لليعلقو ولاكيف ..؟؟؟؟؟؟؟؟؟
    اتمنى من البنات يعلقو لان المدونه قويه بالفعل
    والقصص رائعه 😍
    اجمل المدونات اغلبها للكاسي هي قويه 💪
    بالفعل مو مجامله لكن قصص اليونجي كانها درامات فهي عشق
    اما بقيه الكوبلات بنفس القوه 😉
    مدونه رائعه بالفعل واني متاكده الكثير بيقرأ لكن يجوز اختبارات وكدا😧😢
    كوماااااوا ومشكوره على المجهود وانا دايما معاكم
    الا اذا كان اختبار صعب او النت زفت او مسحوب الجهاز😢😢😢
    اتمنى تكونو مثل بابا نويل وتحققو امنيتي بالسنه الجديده ⛄❄💐⌛

    • احنا نقرا تعليقاتج ، من شروط القسم إن اذا شفناج تعلقين تعليقات حلوة نصبر عليج عالاقل فتره قصيرة نشوفج اذا تستمرين بهالمستوى او لا .. عرفتي ؟

  4. سووا اللي تشوفونه يريحكم و يخلي
    الأصنام اللي تتابع من غير ما تعلق
    او اللي تعلق ع اللي يعجبها واللي ما يعجبها
    من الرواية لا ترد و تتفاعل مع البارت خاصه
    وان الرد ما يحتاج شي خطير و معجزة
    فقط كل اللي عليهم انها تعلق ع الجزء اللي
    شأفته ممتع و مُلفت و ايش تتوقع ممكن يصير بالبارتات اللي بعده
    أنا كل ردودي ع ألطريقه هذي كمان البارتتات الوحيدة
    اللي ما رديت عليها لما الروايات تنزل مره تانيه ف قسم العام
    زي رواية متعه الليل رديت ع اول ٣ بارتات بالعام لأَنِّي ما قريتها
    و قتها بالخاص و بعدين بديت أرد بالخاص عليها لما دخلت القسم
    خاصه لان الردود تكون موجوده ف الرواية و ماتروح …
    و كمان احس النظام الجديد ممكن يخلي كم بنت جديدة تدخل القسم الخاص
    يعني راح يكون النظام الجديد من مصلحة البنات و من مصلحتكم كمان …~

  5. أنيوهاسيووو أوني
    سوري راح اعذبك شوي … لأني بصراحة ما فهمت عدل …
    يعني أنتوا اللحين راح تفتحون قسم جديد بباس وورد جديد وراح تحطون فيه باس القصص المستمرة … وراح تبدأون من البارتت الجديدة …
    ولا أنتوا راح تدزونه عبر الأيميل والتويتر وكذا ..
    :::::::::::::::::::::::::::::::::::
    بصراحة أنا مو معترضه على اي شيء أنتوا تسوونه لأن هذا الشيء من حقكم
    وكمان أنا معاكم في أي شيء تريدون …
    وأتمنى من كل قلبي أني ما أكون خيبت ضنكم فيني …
    فااااااااااايتنغ أوني

    • إي بيكون قسم جديد فيه البارتات الجديدة ، حاسه إني الوحيده اللي فاهمه اللي كتبته

      • شكرا أوني على التوضيح ^_^ … بصراحة أنا في البداية ما قدرت استوعب ^_^” … من قلتي هالتدوينه … أنا شفت أن شريط الاقسام مافيه قسم جديد .. أحترت وقلت أي تدوينه أوني بتحط فيه الباس بعدين قلت يمكن بتسوي مثل سواغ دايريز من يدزون الباس بالاميل .. يعني كنت متلخبطه شوي … ^_^”
        وسوري أوني .. عذبتك معاي .. ^_^”
        بس أكيد أنا معاكم في أي شيء…

        فاااااايتنغ … بوبوبوبوبو

        • لا انا كاتبه ان هالنظام بيتطبق هالايام ، يعني ااذا نزل اي بارت جديد طالعي شريط الاقسام ع قولتج وبتشوفينه ^^

  6. انيوهاسيو اوني
    انا من البنات الجداد وقريب دخلت المدونة
    حلوه الفكره الي قلتيها بس في بنات زيي ما يقرأون الى الون شوت وعدم تعليقي عليها انو قصص الون شوت كلها قديمة وتاريخيها قديم علشان كذا ما كنت اعلق عليها
    اما عن قسم ال VIP انا مستحيل اكون منهم لاني ما اقراء الروايات الطويلة او اعلق عليها فانا اصلا شايلة الفكرة من رأسي من الاساس اني راح اكون VIP
    لاكن اوعدك اوني كل ما ينزل ون شوت جديد راح اعلق علية
    لان بصراحة كتابتكم للون شوت مرررررررره رووووووووعه واسلوبكم في الكتابة والترجمة مره حلو
    تحياتي اوني
    انيوو

    • ليش شدعوه ، ترى اغلب بنات الفي اي بي ع فكرة كانوا يقولون نفسج ، بس بعدين تغيروا حتى اهم منصدمين من انفسهم .

      القصص القديمة يمكن انتي معتبره اننا ما نهتم لها ، لكن اقولج كل تعليق يوصل لنا اول باول ، ف لا تحبطين نفسج وشدي حيلج ..

      • اراسو اوني بس الوضع بشكل عام جديد علية لاني ما كنت اعرف ايش مدونة او حتى معناه اساسا عرفتكم من اليوتوب
        لاكن الحين مره حبيتكم وحبيت قصصكم
        اوعدك اوني بعد الاختبارات اشد حيلي و اتابع كل جديد واعلق علية
        تحياتي
        انيو

  7. طيب انا اعلق ع نيود ورد و مينز تو بي يورس هو يلزم اعلق هون مع البارتات عشان يجيني الباس -.-

  8. اعذريني اعرف متعبيج معنا بس لان الاختبارات
    اخذت العقل الموجود عندي اتحملي شوي
    اوني انا اي شي جديد بعلق عليه بس رواية
    منيت تو بي يورز
    واعلق بكل جهدي لاني اعرف تعبكم وكتاباتكم روعه وجيب
    الجنان لنفسي طلعت من موضوع اسفه بس
    كلمت الحق تقال اوني
    يعني من علق راح يوصل لنا الباس تبع القسم
    جديد بيه الروايات مستمره او لا ….

    • انتو راح يوصل لكم اوردي الباسورد بالايميل لما نطبق النظام ، يعني بدون ما تطلبون بينرسل لكم

      • صدكي اوني رجعت وقرئت قرارك مره ثانيه
        وشفت انه كان قرارج هو منفعه لينا لانه
        لازم ان ندافع عن أسمنا ونثبت ليهم احنا
        ابدا مامختفين 💪💪💪💪
        لازم ندافع عن سمعتنا

  9. النظام حححلو
    بس بتكثر صفحات الباسوورد ععادي بس الاخم تظمنون حقوقكم
    يعني لكم حقققق على الي تتعبون عليههه وبس
    و ان شاء الله تظبط فكرتكم 😢❤️❤️❤️

    • إن شالله م نحتاجه هالنظام ، بس لمصلحه المدونة لازم نحرك البنات لانهم متكيسلات وفانز الفرق الثانية حاطين فكرة عنا ان احنا الفانز المختفي ، ف لازم يتعودون يتحركون شوي ،

  10. النظام حلوو على الاقل تظمنين حقوق مدونه
    و تعبكم على الروايات

  11. بصراحه الفكره حللوه .. واكيد لازم تسوون
    شيء عشان ترجع المدونة والتعليقات مثل اول
    وأنتو بصراحه من اجمل المدونات عندي
    يعني كفايه القصص واللي اكثر من رائعة
    وأعيد للمره المليون كل روايه اقرأها انتو كاتبينها
    أنصدم من جمال وحبكه القصه ،، احس أني
    اطالع دراما كوريه مو اقروى روايه
    انا كنت بالبداية شايله فكره أني تكون بقسم
    الـ vip ،، بس ما استسلمت وشديت حيلي
    والحمدلله الين مادخلت القسم
    وانشاءالله البنات يقدرون تعبكم وشغلكم اللي
    تشتغلون فيها وخصوصا انتو اثنين وكونار هالمدونه
    الكبيرة والأكثر ..
    شكرًا على مجهودك
    استمري

  12. احس لخبطت شوي !
    معليش باقولك اللي فهمته و قولي ايه او لا 🙈
    قصدك ان الروايات اللي قاعده تنزل الحين البارتات الجايه منها راح تكون بصفحه باسوورد لحال ؟
    و اللي راح ينرسل لهم الباسوورد لازم تكون معلقه على اخر بارت منها ؟
    صح كذا 🙈؟

    و متى قد فتحتوا مدونه ل اكسو 😮
    انا ويين كنت 😭
    انا خلقه اعشق اسلوب كتابتكم فكيف اذا كانت عن اكسو😢💘
    عاد مره سوو مفاجاه و اكتبوا ون شوت عالاقل عن اكسو 🙈💘💘💘
    فايتينق 💪

    • إي اللي تعلق ع اخر البارت تعليق محترم تقدر تكمل الباقي بصفحه باسورد ثانية ، ومدونة اكسو استمرينا فيها شهر وصكرنااا .. لا مايصير ننزل عن اكسو هون لان المدونة خاصة بالدبسك ، انتي اكسوتيك ؟

      • ايوا انا اكسوتيك بس عندي مشاعر شوي للدبسك 🙈💜
        و اوكي ان شاء الله نعلق تعليقات تعجبكم 😍💘

  13. تلخببططتتت وانحسستت بس يوم قررييت اسألة البناتت فهممت قصصددكك
    انو باس البارت الاخير من القصص المستمره راح يكون بصفحه ثاننيه
    وباس الصفحه هذي راح يوصل للبنات اللي يعلقوونن بس
    طبعا هالشيي من حققكك عشاانن تعرفيينن ان البنات اللي قرووه جدد مستاهلليين يقرروون
    وهالشيي اكييدد بيخللي البنات الباردااتت يتحمسوونن ويعلقون تعليق جامد
    اتمنى لكم التووففييقق ويصير اللي تببوونن ومقدرين تعببككمم اككييدد
    فاايتتننننغغغ

  14. مثل العادة انا اي قرار تاخدنه استقبله برحابة صدر
    لانو بصراحة مستوى الروايات عالي سواء المترجمة او اللي من تأليفكم
    فمن حقكم تكونو متطلبين
    علىى انو مو تطلب و انما وسيلة تخلي الواحدة تتحمس و تجتهد اكتر
    💕💕💕

  15. لو احلف لك ب ايش عشان تصدقين اني من كم يوم
    كنت اقول غريبه ان زوم قيرل ما سووا هذي ألطريقه وخصوصا
    ان كل مدونات الدبسك كيذا 🌚
    صح ان ذا الحركة تطلع ريحة البنات صدق وتطلع كل وحده ع حقيقتها
    طب لو اقول لك شئ ثاني بتصدقين او لا 😷
    انا لي اللحين تقريبا ٨ شهور وانا أقراء لـ مدونتكم ج

    مستوعبه ٨ حتى انا منصدمه من نفسي كيف لي ٨ شهور وانا ادخل
    وإقراء وفي النهايه ما اعلق هو صراحه قمت اعلق قبل كم فتره ع كم تدوينه هينا
    في المدونه بس هو من موقف صراحه
    هو قبل فتره موب طويله قررت اكتب لي سلسلة ونشوت وانزلها في مدونه
    مع العلم ان هذي المدونه شغلها وأموره ًا تمام والتعليقات بالهبل 💔
    بس لما نزلت فكرة الون شوت ما جاني اي تعليق انقهرت ًو أنغبنت مع ان
    الادمن في المدونه ما قصرت معي وحاولت تحمستي شوي شوي وقالت يمكن
    عشان من البدايه محد اهتم او شئ زيي كيذا قالت خلاص ماشي بنزل او
    بارت من السلسلة وضغطت ع نفسي ومع ان نفسيتي مقفلة ورايحه فيها
    بس حاولت ونزلت وتركت كل شئ تقريبا لمدة ثلاث ايام ورجعت وكنت متحمسه وخصوصا
    لما كانوا كل الادمن يمدحون في كتابتي – تعرفين لازوم يشيكون قبل النشر 🌚 –
    ولما رجعت انصدمت ما لقيت الا تعلقين وشكله من بنت وحده بغيت اموت ًو انجلط 💔🚶
    أنغبنت بشكل مع اني ما شاء الله علي مراح أمدح نفسي بس معليش طريقتي في الكتابه
    حلوه وتنسيقي وربطي للأحداث كان كل شئ ممتاز لما مريت في التعب وهم الاختبارات والمشاريع
    طلبت من الادمن انها تحذفها وهي ما ردت طلبي ونزلت تدوينه انها راح تحذفها ولما دخلت التدوينه
    شفت أشكال وكلام في التدوينه عشان ما تنحذف طب وبينكم من البدايه يا الأصنام وبينكم 🚶😷
    طبعا ما يخفا عليك انو كانوا يقولون لي ان المشاهدات كانت مرا عاليه بس ما في اي احد يحمس
    عاد من ذاك اليوم وانا حاسه في الكاتبات يتحملون ويصبرون في النهايه ما يجيهم شئ يشفي تعبهم
    ع الأقل وبديت حبه حبه اي مدونه ادخل وإقراء فيها احاول بقدر استطاعتي اني اعلق لو بشي يرفع معنوياتها شوي والحمدلله تعلمت من موقفي هذا وحسيت فيكم
    والشئ الثاني اللي ما يخليني بالذات اعلق في مدونتكم هو اني ما اقدر أوفي كاتباتكم الجميله
    بكم سطر مني 😭💔
    احس اني اظلمك عشان انا احيانا يتعلق عندي التعبير وأحيانا يجيني عرق سوداني 🌚🚶
    ع العموم سووا اللي يريحك ًم ولا تقولون منافقه وما حطت تعليقات الا لما. صار ذا النظام لا والله
    شوفي اخر مرا معلقه فيه في اخر تدوينه لكم 😎✋
    يعطيكم العافيه ومقدره تبعكم معنا وربي يسعدكم ويوفقكم واحبكم بقدر حبكم لأنفسكم 💜💜
    – اتوقع تعليقي ذا يد خلني قسم ألفي اي بي بدون نقاش صح – 😹😹✋

    • صح تنقهرين بس انتي الغلط اللي سويتيه انج استسلمتي بسرعه يمكن م لحقتي علينا قبل سنتين بس صج اهو القهر تخيلي كنا ننزل يوميا قصص وتدوينات و ٣ اشهر محد يعلق بعد ٣ اشهر بدوا يعلقون ب يسلمو وثانكس كان ام التحبيط بس غصبنا روحنا وضغطنا ع انفسنا لان كان وضع مدونات الدبسك بذاك الوقت منهار ف قلنا بنثبت لهم ان في ناس شغالين عشانهم عشان الدبسك لحد ما نجحنااا …

      عاد تعالي من كلامج تحمست اقرا لج شي 😍

  16. لهذي الدرجة نايت اوف للآجر جيما مخي مافي برأسي الا قبلته جي والحارس ههههه خاقه (بروزاً الا بجد شسالفته مافهمت شي بس على الأكيد اني برد مو لانه فيه إجبار بالموضوع بس لانه انتو بجد تستأهل ومو تعبكم الكل مقدرة وعلى عيني وراسي انتو أحبكم اونياتي فايتنغ

  17. أول يعطيجج العافيهه . .
    من زمان ما دخلت المدونة بس بما انهه إجازة
    بتجوفيني ككل يوم هني
    طبعا أناا ماقرئت روايات يديده بس أتوقع
    روأيهه نوند وورد
    بس يعني إحين اللي أفهمهه انهه البارت اليديده من الروايات بيكون ف هالصفحهه !!
    طبعا أنا وياج ف أي قرار ل صالح المدونهه
    وآنا صح أني آكسو آل بس بنفس الوقت أعشق
    يونجي عشق عشق
    وبس يعطيئيج العافيهه مره 2

  18. النظام الجديد انفرض بسبب عدد التعليقات مو نوعها تفصليه او مختصره صحيح ؟

    ليش انقلب العام على نفس نظام vip ?

    دخول قسم vip شىء اختياري

    وانا اعلق بطريقتي على كل بارت مقدره تعب كل من اوني سورا و سارانج

  19. مدري اش فيني الايام هاي اجي دايم اخر وحده خخخخخخخخخخخخخخخخخ

    يحق لكم تسوووووووون الي تبووون واحنااااا نقووول تاامروووووووووووووووووووون

    ربنا يسعدكوووو يااااارب <<<عاقله من يومي هههههههههه

  20. القرار جميل
    منه تزيد تعليقتنا
    اتمنى تزيد التعليقات لاني احب المدونه ومتعلقه فيها
    من افضل المدونات عندي
    انصدمت على الاقبال لمدونتكم الاكسو
    لكن هذا شي متوقع لانًمتابعين الاكسو كثار
    عاد تحمست شويه لفكرة دمج الاكسو في المدونه ((( كف
    هذا اسمه خرق العادات لان كل مدونه لها تخصص في فرقه بس
    وقليل الي يكتب عن اكثر من فرقه
    ((مجرد اقتراح
    المهم
    عندي اقتراح ليش ماتسوي مسابقات للبنات عشان تزيد نقاطهم
    منها تجعيهم على التعليق
    ويتحمسوا لين يتعودو على التعليق
    يعني ون شوت يكون مسابقه للي تكتب اطول واجمل تعليق تحصل على نقاط
    والفائز يكون ٣ لو اكثر (( شي راجع لك
    والنقاط على حسب المرتبه
    وبعد ون شوت يكون فيه لغز او سؤال
    الاجابه تكون في تكملة الشوت الي ينزل بعده بفتره وعلى البنات الحلول والاجابات
    وبعد ون شوت بدون نهايه البنات يقترحو النهايه للشوت ومنها يكون حماس وفرصه للي ماتعرف تعلق
    اتمنى تعجبك افكاري
    معاكم للنهايه 😘

  21. صح انا الفكره حلوه وكذا
    لأكن انا بنسبه لي مره خربطه
    انا علقت على بارت في مدونه سواغ دايرز ولي كم شهر وحتى ذحين ما رسول رابط البارت الي بعده
    مع ان تعليقي كان طويل وحطيت كل مشاعري فيه
    بما انه ما انرسل الباس اضطريت اني اترك الروايه
    وبعد فجاه تركت المدونة
    احس انه كذا احسن يكثيييير
    وعال عموم شكرًا لكل جهودكم في المدونة
    فااايتينغ
    🙂

    • الباسورد بينحط بقسم يعني مو كل باسورد حق بارت جديد ينرسل لج عرفتي ؟ انا بعد ما احب نظام الباسورد بالايميل لانه يخربط عشان جذي فكرت بقسم

  22. 50 تعليق والأراء مختلفه وأنا باصم ما يخاصم هههههههههههههه
    مدري تعرفين هذا المثل أو لا
    الزبده احس اني فهمت واحس لا مارح أقول اشرحي لي
    وفهميني كفايه رديتي ع البنات والله يعينك ع الجاي وأنا وحده منهم
    بس اتوقع رح افهم صح وأستوعب الفكره لما يتطبق النظام
    لأني أنا مو متابعه لمدونة سواغ دايرز عشان كذا ماعرف نظامهم هذا

    بعدين فيه شي لفت أنتباهي يوم قلتي فتحنا مدونه لأكسو
    من جد انتو كنتو مقتنعين أنكم تكتبون لأكسو هذا الشي أستغربت منه كثييير مدري ليييه
    واصلا فانز أكسو كثار وبالهبل هالأيام بكل مكان أكسوتيك ومدري على شنو
    هههههههههههه

    المهم يعطيييييكم العافييييه بكل قرار تتخذونه أحنا معاكم
    لمصلحة الجممممممميع ♥♥

    • اي قلنا بنجرب ، ماكتبنا شي جديد سوينا نسخ من قصصنا الموجوده اهني وحولناها اكسو ، اصلا كانو منصدمين ويقولون لنا انهم اول مره يقرون هالنوع من القصص

  23. الفكرة كتير كتير كويسة اوني
    وأن بدن إن فهمتك كتير كتير كويس
    بس بدن إن في مشكلة صغيرة هون وهي إن كل البنات حتى يلي مو متعودين يعلقون راح يروحو يعلقون على البرتات الأخيرة مبين الرواية المستمرة وهيك راح تترٍ إن توزع الباس لا كل البنات
    وهيدا شي ممكن يكون كتير متعب لا إليك حبيبتي
    يعني الفكرة كويسة بس مو الكل قد كلمة
    يعني ممكن في البداية يوعدك انهم راح يستمر في تعليق
    بس في نهاية بتكون متابعتهم دائماً صامتة جداً جداً

    وكمان اوني مكنت عرفة نهائياً إن انتو فاتحة مدونة لا إكسو
    كمان في اكسو في كوبلات جاد ضرفة
    وأن قرأت كم رواية لا الهم
    بس جاد لا هلأ مافي أية مدونة محترفة في كتابة روايتهم
    لأنو جاد أغلب رواية يلي قرائتها كنت جاد ركيكة جداً
    وما بنكر إن قرأت شي 2 أو 3 رواية روعة
    بس بيدل عدد الرواية لكويسة كتير قليل بنسبة لا عدد المدونة الكتيرة لا الاكسو

    بحكم إن أن قركات لا كتير كتير كوبل ولا كتير مدونة بصدر قول إن دائماً كنت أحسن رواية وقصص لا TVXQ
    يعني جاد أحسن الكتاب هم كاسي
    بس كمان في معك حق انهم معدو المتبعين كبير لا رواية TVXQ
    ومش فاهمة ليش أن كمان

    وكمان كتيبة الجونكي من شايني هيد من سنة تقريباً إنقرضو خالص

    • انا ما اكتب لغير الدبسك
      الموهيم
      اذا البنت اللي تاخذ الباس وما يتغير ماراح ينرسل لها الباسورد القسم مره ثانيه

  24. ما قصرتو
    بس اهم شي لا تتركون هل مدونه
    بس الحين كيف يعني حتي اللي علقت عليها قبل ارجع اعلق مره ثانيه ؟؟
    لانه مافي بارت ما اعلق عليه الا اذا طفى النت

  25. اووووه حلوووه الفكره ان فييه قسم للروايات الجديده لاني صراحه انا من النوع الي احيانا يعلق واحيانا لا بس وبعدين يوم بدات اكتب قصص مثلكم في الانستقرام حسيت باحساسكم وبعدها سرت اكتب عدل بس مشكلتي اني مااحصل وقت اقرا الا اخر الليل واحيانا اقول اذا صحيت اكتب تعليق عشان اكتب تعليق عدل يوفي حقكم وانسى😶عاااد انا جد ازعل من نفسي يوم اسوي الحركه دي وماالومكم لازعلتو مني او كرهتوني لاني حاسه بيكم وبحاول صراحه اني اعدل من العاده دي لان مدونتكم صراحه مبدعه وكمان منتو من النوع الي يكتب اي شي وينزله فمن حقكم تزعلو وبحاول اني اعدل من عادتي دي
    وعاد لان قبل كنت احيانا اعلق واحيانا لا واحينا انسى فبرجع اقرا بعض الروايات من جديد بعد الاختبارات ان شاء الله فلا تستغربي اذا حصلتي في بعض الروايات تعليقين مني😅بس بنتبه قبل اذا علقت او لا

    واااضح اني طولت
    المهم اووني موفقين حبايبي وحلوووه فكرتكم كثييير وجدد مشكوورريين لانه مهما سووينا فيكم وقصرنا بحقكم بتكونو طيبين وتحاولو انكم ماتقررو قرارات قاسيه
    للمره الثانيه موفقين ومشكورين حبايبي
    وان شاء الله بعد الاختبارات بحاول اثبت نفسي ك متاابعه😎

  26. كنت فاهمه لين قريت تعليقات البنات لخبطت 😂😭 !!
    ههم ع النظام م عندي مشكله لانو معلقه انا معلقه بس تمنيت م نوصل لهالوضع 🏃💙💜
    ان شاءلله ينفع هالنظام 😫💙💜

  27. Sorry but I didn’t quite get it am alittle poor at arabic what exactly is the new system do y want good comments on the last part of the ongoing story did I get it right and then y will see if it was good I will be allowed to continue reading
    If that so I will try my best

  28. السلام عليكم ي حلوات
    انا صراحه ماعرفت مدونتكم إلا لما تعاونتو مع سواقدايرز يعني تعليقاتي بس على البارتات الي عندكم
    وانا صراحه شايفه جهودكم للمدونه وللامانه انا ماقرات قصصكم إلا كم ون شوت لليونجى لاني مااقرا إلا قصصهم مااقرا لأي كوبل غيرهم
    واحنا من جد مقصرين معكم
    بس وش الحل معي لاني انا فعلا مااقرا إلى لليونجى بس
    ف لو فيه أي قصه أو روايه لغير يونجى ابدا مااطالع فيها
    وش الحل معي ☺

    • عادي جداً الحل انج تقرين وتشوفين نفسج اذا عاجبتج القصة ك قصة وتحاولين تشغلين مخج بالخيال بيمشي وضعج ، لان ع فكرة كل الموجودين كانوا نفس حالتج بس تغيروا بعد كم قصة قروها .

      • والله حاولت مع يوسو بس مره ماقدرت أكمل ابدا
        بس أن شاء الله انكم راح تشوفوني بكل قصص وروايات اليونجى
        بس اصبرو عليه لاني جديده على المدونه 😊
        فااااااايتي 😄

  29. ياخي حظي مثل وجهي
    اكرهه حظي ::>_<::
    صارت اشياء في المدونه وتوني ادري عنها
    هيدر المدونه تغير
    وقصه لوكيد خلصت
    و نزلت قصه جديده
    وصار في نظاام جديد
    كل ذا صار وانا ما ادري عن شيء
    الله يلعن ذا الجامعه والاختبارات اللي ماخذه كل وقتي -_-
    ——
    معااكم حق الصراحه في الشيء اللي بتسوونه
    شيء يقهر صدق اكتب و اترجم بالساعات واضيع وقتي و في الاخير ما الاقي تعليقاات تفتح النفس وما تتعدى الخمسين
    صراحه شيء يعقد ويقهر و تنسد نفسك انك باقي تكملين
    صدق والله ما اقول ذا الكلام الا انه صار لي نفس الشيء
    حتى المدونه حقتي افكر اسكرها..

    ذي المدونه من احلى المدونات اللي اتابعها للدبسك جد والله
    حتى كلمه شكر ما توفي حقكم جد تتعبون عشان تجيبون لنا شيء حلو وفي نفس الوقت ممتع عشان الواحد ما يحس بالملل ≧﹏≦

    ان شاء الله يارب تلاقون على قد التعب اللي يجيكم
    فايتينغ اونيااتي ♡

  30. ما ادري مخي معلق مو فاهمه شي 🌚
    انا اتوقع ما قد قريت الا Meant To Be Yours
    والحين البارت 15 مو لاقيه الباس حقه كيف اخذه ليت احد يحاول يفهمني يعني 💔😭
    ومشكورين صدق ماقصرتو ان شاء الله بعد الاختبارت ناويه اقرا كل الروايات الي هينا 😛😻😻

  31. اوني دحين تدوينة الجديده بأي باسورد ادخل عليه
    وفي الاميل ماجاني اي باس جديد >يعني دحين مو عارفة كيف ادخل ومره متحمسة على رواية …Meant To Be YOURS وماعرفة كيف ادخلها؟؟

  32. قرار سليم ونفس وقت تعليقات راح تزيد بآذن الله وانا ناويه اكون من عضوات في اي بي بآذن الله وراح اتفاعل وياكم واذا تبون مترجمات انا موجوده في اي وقت جست طرشولي ايميل ^^ الله يعطيكم الف خير صراحه مدونه تستاهل اكثر ^^
    يعني الحين بطرشون الباس ع ايميلاتنا صح ؟ اختبص مخي وقسم هههه

  33. استغربت البنات قاعدين يتكلمو في اللاين عن النظام قلت اكيد منزلين حاجه وادخل واتفاجاء من هالتدوينه بصراحه معكم حق بكل حاجه تسوونها لانه شي يقهر انه على كثر مايطلبو منك الباس ماتشوفي تعليقات الا قليله وكمان ملاحضه انه اكثر اللي يعلقو اكسو والف اكثر من الكاسي توقعت يكون الكاسي اكثر بما انه مدونة لكوبلات الدبسك ..
    اما مدونة الاكسو تكفين لاتذكريني انا انجلطت لما شفتها 😰 بصراحه ماعجبتني خفت تسحب على هالمدونة 😥💔 وبما انكم قفلتوها لاترجعوها ترا سارانغ شفت تهديدك 😂✋
    اما بالنسبه لنظامكم الجديد والله عجبني لانه كذا تحفظون حقكم ونحنا برضو نحفظ حقنا وانا داعمه لكل قرار تتاخذونه وهذا القرار الانسب لانه اولا لمصلحتكم وثانيا لمصلحتنا
    اما انا الحين عارفه هالفتره وقت اختبارات وكذا لكن بحاول باذن الله ادخل واعلق وان شاء الله اول ماخلص اخبارات ناويه اختم قصص المدونة كلها ~> تحاول تغريكم عشان ماتطلعوها 😂😢😭💔
    فاايتنغ سورانغ دعواتكم لنا باختباراتنا 😭💔

    • حبيبتي ، كل تعليقاتج القديمة هي عبارة عن ثانكيو طويلة مع قلوب ، بديتي أخر شي تعلقين على أخر بارتات بتعليقات طويلة ، من بارت منت تو بي يورز14 اللي علقتي عليه عدل ، بس اللي قبله ما علقتي عدل عليهم ، و رواية ليال المتعة ، من بارت 4 معلقة عدل أما اللي قبل ما علقتي عليهم عدل ، و برواية نود ورد بارت 9 رادة عليه عدل بقية مو رادة عليهم عدل ، و من رواية الألتواء رادة بس على 3 عدل و بقية لا ، فا ريت تردين تعليقين عليهم عدل ، عشان تقدرين تدخلين القسم و تقرين بارتات الجديدة ..

  34. طب اوني متى راح تبدون ترسلون الباسورد؟؟
    لان نزل بارتين للحين ومره متحمسه ليها /0\
    اخاف نسيتوني و تفكروني تكاسلت ㅠ ㅠ
    ولا لايكون لسع ما رسلوتوا وانا متخرعه ع الفاضي خخخخ

    • حبيبتي أرسلنا لج على ايميل باس الهومين ، و إحنا ما نزلنا للحين غير الهومين بالقسم الجديد

  35. اوني
    كلامك على العين والراس
    وانا من اول ما دخلت هاذي المدونة اللي تهبل
    انبسطت انها تهتم في فرقة من احد فرقي المفضلة
    طبعا رأيك وانا احترمه بس المدونه الثانيه دخلت عليها
    وشفت روايه للبيكيول اسمها على ما اعتقد عدوي رقم 1
    قريتها بس مو كلها لانه المدونة تقفلت فجأة
    حبيت ذيك الروايه لحد الجنون وكنت ابي اتابعها
    ابي منكم طلب انو ترجعو تفتحوا المدونة الثانية
    بالاشتراك مع المدونة ذي وتسووو فيها دمج لكوبلات اكسو ودبسك لانو الفرقتين بالنسبه لي عشق وبصراحه حبيت
    كذا روايه فيها وحرام يروح تعبكم في ذيك المدونه هدر
    انا متابعه جديدة لذي المدونة بس عجبتني كثير
    الروايات فيها
    اتمنى انك تأخذي كلامي بعين الاعتبار
    وتفكري فيه زبن وبعدين لو انك تتعبين انو تصير عندك مدونتين وتعب يمديك تضيفي بنت يساعدوك في الكتابه والترجمه ..
    وشكرا

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s